ＲＩＰ
同事今早過世。
願他得到安息。
＊ ＊ ＊ ＊ ＊ ＊
現在要照顧的，是他的家人、同事們及他的學生。
校長準備於考試結束後的第一個上課日跟學生宣佈。我班的中六學生有不少也是他的學生，所以我也要小心處理他們的情況。
＊ ＊ ＊ ＊ ＊ ＊
今天回校工作時遇到一個 Christian 同事（上次跟我飯聚的同事）。她跟我說起同事過身的事。
她說昨晚見到同事的太太很不安，令她想起一個故事。故事中的婦人丈夫也將離世，但婦人很冷靜，內心很平安。她說，這就是有信仰及沒有信仰的分別吧。（離世同事及他的太太不是基督徒。）
她及另一個信教的同事很傷心，因為她們不知道同事離世後何去何從。她說，昨晚她嘗試問臥在病床上的同事，他可願意信奉主基督。她希望他會一有點點反應。她還說，如果同事信了主，他真的離世後，該用基督教葬禮儀式嗎？她想了一會後，似有覺悟地說，其實儀式也不重要吧，這些東西已沒有意義。
這次我默不作聲。我明白她是出於好意。我也明白她的立場。
But I have to admit, I am losing tolerance...
posted by 燒米餅 @ 1/08/2005 09:11:00 pm
6 Comments:
我想問O下你個christian同事有冇男友/老公? 你問o下佢如果佢男友/老公係christian，但就死，佢會唔會可以好冷靜。"噢，愛人，你將與主重逢，願你一路順風。我會為你祈禱，望你快與主團聚，哈利路也。"
我又講故事，harry potter下本書有主角要死，咁佢o地一定唔安祥啦。因為佢o地呢o的鼓吹迷信o既，一定不得好死，早死早著啦。
講開 harry porter... 我o個個 christian 同事話佢教會討論過呢本書, 結論係本書好邪, 睇得多可能會走火入魔。(我唔係講笑, 佢真係好認真咁講。)
其實呢, 呢個同事好好人。只不過, 我真係接受唔到佢o個種 christian 式o既諗野方法。
--------------------------------------------
咪係囉... 你親人危在旦夕, 即使係 christians 都會不安啦。(其實聖經講過, 耶穌釘十字架前都有不安過。有錯請指出。)同埋係咪佢點頭話信主, 咁佢就上天家; 如果佢到最尾都無決志時, 係咪就...唉, 人都過左世, 我都唔想亂講野。
如果一個宗教係以「你信唔信佢」作為一個進入天家的入場證o既話, 呢個宗教仲值唔值得我去信靠呢...
I doubt.
我反而想問，上天國係唔係咁緊要? 我宜家都顧唔掂，真係理唔到死後會點，雖然我都好怕死。我仲記得有個lecturer話，佢好佩服一o的年紀越o黎越大，但都唔會話因為怕死後點而去信任何宗教(個lecturer本身無信任何教)。我都覺得係，因為人越大，就會開始諗死後點，總想搵個依歸。
至於信佢o地先上天國，呢個係佢o地教義嘛。鬼叫佢o地話人本身有罪，我o地要信佢o地而去贖(唔..個贖字係貝加賣)，唔係無得上天國o架。如果你覺得呢樣有問題，咁即係佢成個教義最basic都接受唔到。
唔，同埋我想問我見過唔少人claim自己信主，都會上教會。但係食o野前唔會pray，做人又賤格，成日o係人後面做小動作，呢o的人究竟會唔會上天國呢? 我都想問o下christian，唔，不過我估得到o既答案都係"主自有安排"。
呀希特勒都係天主教徒(所以佢先咁憎d 猶太人)。可能佢依家o係天堂笑緊我o地做乜咁蠢唔信 :P
其實呢,基督教教義係,只是你誠心信主及悔改,就會因著主耶穌為世人的罪被釘十字架而得到救贖。因信得救。
我呢d 都係知d 唔知d。都係o個句, 有錯請指出。
你講起上天國係咪咁重要,呢個真係一個「人生的意義」的問題。
人有一個信念,我o地死左之後唔會就此消失。咁我o地會點? 對於一d 未知o既野, 我o地有宗教去填補呢個空洞。
有時睇報紙見到d 老人家死慳都要慳 $$$ 俾自己攪白事, 要攪得好好睇睇。可想而知,呢個對於死後生活o既信念可以幾強。
所以宜家我好串地，有人叫我信教，我會同佢o地講"或者，神就係安排我上唔到天國呢。"
其實，個教未必有問題，有問題係represent佢o地o既人。之前都講過呢o的都係關乎power o既問題，好似女性地位/homosexual咁，如果christian係發源於呢個時間，佢o地一定會話呢o的o野無問題。
Post a Comment
<< Home