生日@15Nov.

今天很忙很忙，但過了一個很快樂的生日。

真的很感恩！我真的覺得自己很幸福呢。

學生們為我預備了蛋糕和禮物，還有生日歌 :) 心裡有一陣感動。

收到朋友們的電話、SMS及 icq message，又是一種感動。

每一句「生日快樂」我都會銘記於心。

其實這幾年來已經很少跟朋友於生日正日見面。本來以為今年生日會留在家中埋首工作，但同事們相約晚飯，過了一個很偷快的晚上。

＊　　＊　　＊　　＊　　＊　　＊　　＊　　＊　　＊　　＊　　＊　　＊

今天一早 (我還在上學途中呢... ) 竟然收到 ex 的電話。起初還以為是搭錯線 (不少人因為忘記鎖電話而錯誤來電... 我的英文名字首是A 啊...)，畢竟兩年多以來跟他極少聯絡－－極其量只會在 icq 上寒暄數句（其實這情況也很少發生）。所以看見他的來電有點奇怪...

餅：喂？

ex：喂...　（支吾了一會）你...　知唔知我係邊個呀？

餅：（唔係化，一朝早打黎問我呢個問題...) 我知，我有來電顯示嘛。早晨呀！做乜事呀？

ex：首先同你講聲生日快樂先。

餅：（首先？即係呢個唔係 main point, 有下文啦...）哦，多謝。做乜事o既?

ex：（支吾了一會）今晚有乜節目呀？

餅：我同同事食飯囉。

ex：哦...（支吾、支吾、支吾）咁你今晚食到幾點呀？

餅：我都唔知呀。Hopefully 2200 前完啦，因為聽日大家都要返工。發生乜事呀？（好心你講啦... 一早知你有野啦...)

ex：（支支吾吾）今次大件事...

餅：你講啦。係咪同女朋友嗌交呀？（大件事... 除左呢樣仲有d 乜o丫...)

ex：仲嚴重d。我琴日同佢分左手。好突然...

餅：（咁關我乜事。）噢，點解o既?

ex：blah blah blah ( blah 左一陣)，我諗住搵一個識左我一段時間o既人傾下。

餅：（= .=" 我幾時變左電台d phone-in 節目主持人。生日一朝早就攪d 咁o既野...) blah blah blah... (又 blah 左一陣)

今天，我跟他通了數個電話，覆了他數個SMS。很荒謬吧？這兩年我跟他來沒甚聯絡，連朋友也談不上。今天竟然跟他說了不少安慰及鼓勵的說話，只因為他失戀。

原來這兩年來，他沒甚成長。

不要以為我對他還留有甚麼感情，也不要以為我想做一個好人，我只是難以掉下一個向我求救的人不理。

好人比壞人更加難當。

我這種人很煩。當壞人的話，我會過意不去；當好人時，自己有時也不會好受。

他為過去的事跟我說對不起；還說因為我經歷過類似情況，所以我會明白他的情況。

其實一直不明白的人，是他。

突然覺得自己很勇敢。被人揭瘡疤後，還可以背負著傷痛，安慰別人。

這一晚，我的眼睛被淚水浸得腫腫的。